Bîlûra Min

Bilûra min a sêrîn
Tu di sariya sibehê
Û hingûra êvarê de
Evale behevalan,
Destbrayê sivan û dilketiyan î.
Dengê te hestirên dilên xemgîran,
Silava ji hev-veqetiyan,
Girîn û zarîna dilketiyan
Tîne bîra min
Bilura min,tu i,
Xemrevîna têrkeserên dinyayê!

Dengê bilûra min,
Çiya û zozanên bilind,
Kaniyên bi gul û rîhan dorgirtî
Guhê sikeft û serê zinaran
Guhdarên te ne !
Û sura bayê xerbî,
Te di naw pelê darê de digerînê.

Bilûra min,were em ê
Bi wî çiyayê bilind re
Bi hewa kevin,
Û bibin cîranê bayên xurt
Û hevalê kim tên wan
Yên bi mij û dûman,
Û tê de dengê xwe berdin,
Û zarîna dengê me
Bikeve nav kortal û geliyan
Û bêcaniya erdên jêrîn
Bihejîne;
Û pêlên ava heftreng
ÃSn xemzebaz
Nalîna me bigehîne
Desta sir ûç û diyarbekirê;
Û beriya mêrxasên berazan;
Û kalîna berxan,
Tev sehîna hespan

Li me vegerînin.
Bilûra min,binêre û bibihîse!
Roj çû ava,
Stêra êvarê bû ges,
Kolosên çiyan ên gewr
Û hewraniyên wan ên sor û zêrîn
Bûne çûn;
Û pêlên awa sevê yên res
Ketine dest û newalan,
Heta rûyê gir û kepezan.
Di qeraca de
Kevir piyê sevgera dixapînin

Û bêdengiya sevê de
Pêjna lingên mêrxasan tên

Bilûra min,
Dengê xwe berde!
Dinya,mîna zarokekî bersîr,
Ket dergûsa xwe;
Dengê xwe berde,bilûra min,
Û jê re bilorîne,
Xema wê birevîne,
Bilûra min tu î.

Xemrevîna terkeserên dinyayê;
Û li rojhelatî
Dema ko dinya hisyar dibe
Ji xew radibe
Ji me re
Strana azadî û serbestiya
Kurdistanê
Binehwirîne
Û dengê wê stranê, bila,
Mîna tîrêjên rojê yên pak û zêrîn
Bikeve nav dil û guhên me.
Bilûra min
Tu î xemrevîna dilketîyên welêt.